Эрхэм зорилго
Эмэгтэйчүүдийн үзэл бодол, нийгмийн байдал, сүсэг бишрэл, яс үндэс, хөрөнгө чинээ, албан тушаал үл харгалзан жендэрийн эрх тэгш байдал, тэдний нийтлэг эрх ашиг, сонирхлыг илэрхийлэн хамгаалах, хөгжүүлэх.
Loading…
1962 онд үүсгэн байгуулагдсан, охид, эмэгтэйчүүдийн эрх ашгийг хамгаалах, хөгжүүлэх үндсэн чиглэлийг баримтлан ажилладаг 64 жилийн түүхтэй орон нутгийн ууган төрийн бус байгууллага.

“Дархан-Уул аймгийн Эмэгтэйчүүдийн холбоо” НҮТББ нь 1962 онд үүсгэн байгуулагдсанаас хойш охид, эмэгтэйчүүдийн эрх ашгийг хамгаалах, хөгжүүлэх үндсэн чиглэлийг баримтлан ажилладаг 64 жилийн түүхтэй орон нутгийн ууган төрийн бус байгууллагуудын нэг юм.
Эмэгтэйчүүдийн холбоо нь охид, эмэгтэйчүүдийн нийгэм, эдийн засаг, соёл, улс төрийн оролцоог нэмэгдүүлэх, чадавхжуулах, жендэрийн эрх тэгш байдлыг хангах чиглэлээр хөгжлийн төсөл, хөтөлбөрүүдийг үндэсний болон олон улсын хөгжлийн байгууллагуудтай хамтран хэрэгжүүлдэг.
Мөн “Дарханы бүсгүйчүүд” сургалтын төвөөрөө дамжуулан оёдолчин мэргэжил олгох болон уран хатгамал, уран зангилаа, уран зураг, англи хэл, япон хэл зэрэг сургалт, холбооны дэргэдэх клубүүдээр дамжуулан хувь хүний хөгжлийн сургалтуудыг тогтмол зохион байгуулдаг.

Монгол Улсад цорын ганц “Эмэгтэйчүүдийн ордон”-г олон нийтийн хандиваар барьж, өнөөдөр ч үйл ажиллагаагаа тэндээ явуулсаар байна.
Эмэгтэйчүүдийн үзэл бодол, нийгмийн байдал, сүсэг бишрэл, яс үндэс, хөрөнгө чинээ, албан тушаал үл харгалзан жендэрийн эрх тэгш байдал, тэдний нийтлэг эрх ашиг, сонирхлыг илэрхийлэн хамгаалах, хөгжүүлэх.
Хүн бүр эрхэм чанараа мэдрэн, айх аюулгүй, дарамтгүй, эрх чөлөөтэй амьдрах, аз жаргалаа эрэлхийлэх, эрх тэгш боломжийг хангасан нийгмийг цогцлоох.
Хүүхэд, эмэгтэйчүүдийн эрх, хөгжил, оролцоог дэмжих хоёр үндсэн чиглэлээр ажилладаг.
Хүүхэд, залуусын чадавхыг бэхжүүлж, нийгмийн идэвхтэй оролцоог нэмэгдүүлэн, тэдний мэдлэг, аюулгүй байдлыг дээшлүүлнэ.
Жендэрийн эрх тэгш байдлыг хангаж, салбар бүрийн эмэгтэйчүүдийн эрх ашгийг төлөөлөн хамгаалах, хүчирхийллийн эсрэг ажиллана.
Хөдөлмөр эрхэлж буй эмэгтэйчүүдийн эрхийг хамгаалж, эрүүл, аюулгүй, эрх тэгш, жендэрийн мэдрэмжтэй ажлын байрны орчныг бэхжүүлнэ.
Эмэгтэйчүүдийн нийгэм, эдийн засаг, соёл, улс төрийн оролцоог нэмэгдүүлж, шийдвэр гаргах түвшинд манлайлах чадвар, хувь хүний хөгжлийг дэмжинэ.
Эх, эмэгтэйчүүд, охидын нийгэм, гэр бүл дэх байр суурь, сайн сайхан байдалтай холбоотой асуудлыг шийдвэрлэхэд идэвхтэй оролцож, тэднийг хамгаалсан хуулиудыг бодитоор хэрэгжүүлэхийг шаардана.
Аймаг, орон нутгийн түвшинд жендэрийн мэдрэмжтэй бодлого, төсөвлөлт, төлөвлөлтийн арга зүйг нэвтрүүлэхийг дэмжинэ.
Сонгуулийн бүх шатанд эмэгтэй манлайлагчдыг дэмжиж, Дархан-Уул даяар эмэгтэйчүүдийн улс төрийн төлөөллийг нэмэгдүүлнэ.
Үндсэн чиглэлийнхээ хүрээнд олон улсын байгууллага, хөгжлийн агентлагуудтай хамтран төсөл хэрэгжүүлнэ.
Үндэсний, бүс нутгийн, олон улсын эмэгтэйчүүдийн хөдөлгөөн, байгууллагуудтай холбоогоо өргөжүүлж, хамтарсан ажил болгон хөгжүүлнэ.
Хоршоо, бичил бизнесийн дэмжлэг, санхүүгийн хүртээмжээр дамжуулан эмэгтэйчүүдийн эдийн засгийн байр суурийг бэхжүүлэх хөтөлбөрүүдийг хэрэгжүүлнэ.
Охид, эмэгтэйчүүдийг сайн ажилд орж, тогтвортой ажиллахад хэрэгтэй бодит ур чадварт сургаж, чиглүүлж, бэлтгэнэ.
Хуулийн тусламж, урьдчилан сэргийлэлт, хохирогчдыг дэмжих ажлаар дамжуулан жендэрт суурилсан ялгаварлал, хүчирхийллийг бууруулна.
Боловсрол, нээлттэй хэлэлцүүлэг, Холбооны сэтгүүл, хөтөлбөрүүдээр дамжуулан мэдлэгтэй, идэвхтэй иргэдийн соёлыг төлөвшүүлнэ.
Иргэдийн хяналт шийдвэр гаргалтын төвд байхын тулд судалгаа, хээрийн ажиглалтыг тогтмол явуулна.
Дархан хотын эмэгтэйчүүдийн анхдугаар хурлаар орон тооны бус Зөвлөл байгуулагдсан.
Дархан хотын эмэгтэйчүүдийн орон тооны зөвлөл ажиллаж эхэлсэн.
Дархан хотын эмэгтэйчүүдийн санаачлага, олон нийтийн хандиваар Монгол Улсад цорын ганц “Эмэгтэйчүүдийн ордон”-г барьж ашиглалтад оруулсан.
Дархан хотын эмэгтэйчүүдийн зөвлөл бие даасан олон нийтийн байгууллага болсон.
“Дархан-Уул аймгийн эмэгтэйчүүдийн зөвлөл” нэртэй болсон.
“Дархан-Уул аймгийн эмэгтэйчүүдийн холбоо” НҮТББ болсон.


Нийтийн барилгыг нийслэлд төлөвлөж, дээрээс нь буулгадаг байсан тэр цаг үед Дархан-Уулын эмэгтэйчүүд өөр замыг сонгожээ. Олон нийтээс хандив цуглуулж, өөрсдөө хөдөлмөрөө нэмэрлэж, ажлынхаа байнгын гэрийг босгосон юм.
Өнөөдөр Ордон сургалтын анги, хурал чуулганы танхим, Холбооны ажлын байр болсоор байна.
Холбоо нь Удирдах зөвлөл, Хяналтын зөвлөл, Ажлын алба, Төслийн алба болон гэрээт сургагч багш нартай бөгөөд өөрийн ажлын байр болох “Эмэгтэйчүүдийн ордон”-д үйл ажиллагаагаа тогтмол явуулдаг.
Баг хамт олны бүтээлчээр амраах, дарсны амтаар хөглөгдөж уран зургийн гайхамшгийг мэдрэх арт терапи үдэш.
Байгууллагаараа Монгол өв соёлоо суралцаж, өөрийн гараар хатгаж, даалин урлах сургалт.
Нүүдэлчин ахуй, бат бөх эв нэгдлийн бэлгэдэл болсон уран зангилаагаар дамжуулан байгууллагын соёлыг баяжуулах арт терапи.
Цахим аюулгүй байдлын лекц сургалт, жендэрийн лекц сургалт болон бусад сургалт.
Эрүүл, аюулгүй, эрх тэгш ажлын байр
Эрүүл, аюулгүй, жендэрийн мэдрэмжтэй ажлын байрны орчныг дэмжинэ.
Ялгаварлан гадуурхалтгүй, хүн бүрт хүртээмжтэй боломжийг дэмжинэ.
Хөдөлмөр эрхэлж буй эмэгтэйчүүдийн эрхийг хамгаалахыг зорин ажиллана.

Холбооны хэрэгжүүлсэн төсөл, хөтөлбөрийн тайлан, сэтгүүл, гарын авлагыг материалын сангаас үзэх боломжтой.
Томоохон 14 аж ахуйн нэгж, байгууллагад эмэгтэйчүүдийн зөвлөлийн бүрэлдэхүүнтэй.

















